terça-feira, 9 de junho de 2009

"No palco do vento": video-clip de Tino Baz

Canción composta polo cantautor Tino Baz en homenaxe aos Señores do vento, o Chacurro e o José María, protagonistas da curtametraxe documental "Os señores do vento", de Xurxo González. Unha composición chea de poesía e lirismo, cunha parte recitada e outra cantada e cunhas letras nas que se recuperan palabras e expreisións típicas da Guarda. Sen dúbida esta canción é a mellor das bandas sonoras para a experiencia estética e contemplativa dos Señores do vento.
">

segunda-feira, 1 de junho de 2009

Romería da Festa do Monte da Guarda nos anos 60

video
Interesante documento audiovisual dos anos 60 rescatado dos arquivos de RTVE e onde fan un percorrido polo Baixo Miño deténdose na Romería da Festa do Monte da Guarda.
Outros tempos! Mais daquela xa había festa dabondo!

quarta-feira, 27 de maio de 2009

Tino Baz e Xurxo González presentarán a´Os señores do vento no corazón da Coruña


O vindeiro venres, ás 20h30 da noite, na Casa das Atochas da cidade da Coruña vai ter lugar unha actividade cultural con plena identidade guardesa. A capital herculina vai ser testemuña dun espectáculo interdisciplinar que xirará en torno a figura d´Os señores do vento”. Vídeo e música misturaránse nun espectáculo multidisciplinar que terá como fondo a idiosincrasia guardesa.

O acto consistirá na presentación da famosa curtametraxe “Os señores do vento”, de Xurxo González, o pase da mesma e a estrea da canción composta por Tino Baz sobre os seus protagonistas. Despois dunha pequena conversa sobre o Chacurro e o José María darase paso ao concerto de Tino Baz no que haberá sorpresas audiovisuais apoiando algunhas das súas composicións.

Unha vez máis a produción cultural guardesa manifesta a súa capacidade e variedade creativa con temáticas que sobrepasan localismos e que son capaz de proxectarse alén do Terroso.

quarta-feira, 20 de maio de 2009

Este fin de semana ´Os señores do vento´ en Cans (Porriño) e Huarte (Navarra)

Este sábado coinciden dous pases d´Os señores do vento, curtametraxe Xurxo González, un na VI edición do Festival de Cans do Porriño e outro na Fundación Buldaín na cidade navarra de Huarte. Ao Chacurro e ao José María volverán a facer sorrir e a deixar perplexos ao público destas sesións coa súa arte de botellas movidas polo vento.

A primeira acontecerá no Jalpón Friki do Festival de Cans, onde a técnica para controlar o vento do Chacurro e o José María atopará moitos adeptos que, despois, de seguro, imitarán nas súas casas e nas leiras.

A segunda proxección terá lugar na Fundación Buldaín nunhas xornadas sobre a paisaxe e onte tamén se proxectarás os filmes gañadores do Filminho 2009 (París #1, de Oliver Laxe e O Cazador , de Ángel Santos).

Mas, as voltas d´Os Señores do vento non fican aquí. O día 29 de maio vai ter lugar na Casa das Atochas da Coruña un concerto de Tino Baz no que estreará unha peza dedicada aos insignies veciños da Guarda e no que se proxectará tamén o filme e haberá unha conversa entre director e cineasta sobre aspectos da idiosincrasia dos guardeses.

terça-feira, 28 de abril de 2009

O filme gañador do Filminho 2008 xa se pode ver en internet

´O cazador´. de Ángel Santos xa se poder ver na súa totalidade en internet. O Filme conseguir dúas distincións no Filminho: o Premio Cinema Minhoto e o Grande Premio Filminho. Esta curtametraxe é unha especial adaptación do relato de Chejov.

terça-feira, 21 de abril de 2009

IIIª MOSTRA DE TEATRO AMADOR DO MINHO

Nos últimos tempos, o mes de abril e o teatro afeccionado son sinónimos nas terras baixomiñotas pois ven sendo por estas datas que se celebra a festa que reúne a grupos teatrais non profesionais e a amantes do teatro das dúas beiras do Miño.

A IIIª Mostra de Teatro non profesional do Miño xá está en marcha... e será celebrada durante os días 24, 25 e 26 de abril nas vilas da Guarda e Goián (Tomiño). Ao longo destes días serán representadas as 6 pezas que foron seleccionadas polo Xurado da Mostra de entre os máis de 30 traballos apresentados a concurso por grupos teatrais galego-portugueses.

Este evento xurdiu co obxetivo de se converter en plataforma que permitise a grupos teatrais non profesionais de Galiza e Portugal (ou calquera outro lugar da Lusofonia) ampliar o circuito de representacións, infelizmente tan reducido e limitado ao ámbito máis local. Esta mostra premia os mellores traballos apresentados, pero por riba de todo homenaxea o esforzo e a ilusión de millares de persoas que dedican boa parte do seu tempo e paixón ao mundo do teatro. A cantidade e calidade das obras presentadas nestes anos, así como o número de público que acode a cada sesión da Mostra, só pon de claro manifesto a boa saúde e vitalidade da que o teatro afeccionado goza a ambos lados da Raia.

Polo tanto, estes serán días de encontro para os amantes do teatro -xa sexa no palco como na platea- chegados de calquera punto de Galiza e de Portugal. Unha vez máis a arte circulará de maneira libre axudando a derrubar vellas e ríxidas fronteiras (as máis resistentes sempre son as mentais). O teatro como grandiosa ferramenta de expresión e de diálogo é capaz de producir este riquísimo contexto de cominicación e troca socio-cultural no que galegos e portugueses podemos coñecérmonos aínda máis, conseguindo ver no outro a boa parte de nós mesmos.

quinta-feira, 16 de abril de 2009

PROGRAMACIÓN DA MOSTRA DE TEATRO AMADOR DO MIÑO


DIA 23 DE ABRIL (XOVES-5ª FEIRA)



20:30 - IES da Sangriña (A Guarda)

-Acto de Inauguración.


DIA 24 DE ABRIL (VENRES - 6ª FEIRA)


20:30 - Auditorio Municipal de Goián (Tomiño):


- Dormes?. IES Manuel García Barros (A Estrada)


22:00 – IES da Sangriña (A Guarda)


-Conversas na cuneta mentras a vida pasa alá fora. O Trasno Novo Teatro (Vigo)

DIA 25 DE ABRIL (SÁBADO)
20:30 - IES da Sangriña (A Guarda):
- Ponte da Lima em Festa. Associação Cultural Unhas do Diabo. (Ponte da Lima)
22:30 - Auditorio Municipal de Goián (Tomiño):
- A magia da inocência. Associaço Cultural e Recreativa de Arcozelo. (Ponte da Lima)
DIA 26 DE ABRIL (DOMINGO)
18:00 - IES da Sangriña (A Guarda):
-Adeus Kantor. Asociación Teatral Paso de Valverde (A Coruña)
20:00 - Auditorio Municipal de Goián (Tomiño):
-Auto da Hibris. Associaçao Juvenil de Deão (Viana do Castelo) & Lohengrin Teatro (Vigo)
21:30:
- Premio do público e peche.

domingo, 12 de abril de 2009

Filminho 2009!

.
Vídeo de lançamento e primeiro olhar para a imagem da nova edição
.
.

terça-feira, 7 de abril de 2009

´36/75´ un proxecto de documental experimental de Xurxo González



Depois d´Os señores do vento´ Xurxo González fai un xiro rotundo na súa traxectoria e aborda a temática da memoria histórica na Guarda. Un proxecto co que se quere limpar as telas de arañas e o polvo do paso do tempo e volver a mirada cara os lugares esquecidos de grande significación durante os primeiros días da Guerra Civil na Guarda. Un filme influenciado directamente polo cineasta americano James Benning. Polo tanto atopámonos ante un documental contemplativo e matemático onde os números do título transcenden o seu significado máis obvio.
Segundo o autor: ”Isto é un bosquexo do que está por vir... Unha reflexión sobre a memoria histórica, sobre o presente, sobre o pasado, sobre a capacidade de recordar ou de esquecer, sobre a capacidade de sentir a angustia duns tempos difíciles, unha homenaxe, uns espazos, unhas duracións, uns números, unhas alusións, unha documentacións, unhas reflexións, unhas topografías... Un achegamento sobre os espazos do presente na Guarda e dos que ninguén se lembra por estar asulagados polo río do non-coñecemento”.
Xurxo González continúa: "Sei que pode ser un proxecto polémico mais todo vai estar moi contrastado e intentarase aportar o maior número de matices. Un proxecto no que colaboraran estudiosos locais como J.A. Uris Guisantes e Luis Cividanes".
A estrea de "36/75" está prevista para unha data con bastante significado como é o 18de xullo. Cun pouco de sorte poderase ver por primeira vez no Filminho!

quarta-feira, 1 de abril de 2009

Reportaxe sobre ´Os señores do vento´ no programa Onda Curta da Galega


E así foi como viñeron uns individuos da Televisión Galega interesados na actividade artística duns vellotes da Guarda e que un veciño gravou coa súa cámara. Aquí, con esta nova, preséntase o extracto do programa que se emitiu o pasado domingo, día 29 de marzo pola noite.
Xurxo González comenta: “Con este feito demóstrase que hai que saber apreciar as cousas pequenas, que hai que interesarse polo que se fai no lugar onde vives e que, as veces, co simple respecto sobre o distinto pode suministrar unha chea de aportes: sociais, artísticos, estéticos, personais, contemplativos,… A Guarda ten que deixar de ver fora o que ten dentro dela”.

terça-feira, 31 de março de 2009

CARTAZ DA 3ª MOSTRA DE TEATRO AMADOR DO MINHO


Já está na rua o cartaz da IIIª Mostra de Teatro Amador do Minho que será celebrada nas vilas da Guarda e Goián nos dias 24, 25 e 26 de abril.

Nesta Mostra concorrem mais de 30 trabalhos de grupos de teatro nao profissional de toda Galiza e Portugal. De entre todas estas obras o Juri da Mostra escolherá 6 que serão representadas durante estes dias nos auditórios do IES da Sangrinha (Guarda) e no auditório municipal em Goiám (Tominho).

quinta-feira, 26 de março de 2009

´Os señores do vento´, de Xurxo González, no programa Onda Curta da Televisión Galega


O programa de curtametraxes da Televisión de Galicia oferta este domingo (00h30) un programa espacial adicado á actividade audiovisual no Baixo Miño centrado no pase d´Os señores do vento´ de Xurxo Gonzalez. O Chacurro e o José María darán a súa especial visión sobre a enerxía eólica.

A actividade creativa máis importante do concello da Guarda na última década está realizada por un grupo de homes maiores. Eles son "os señores do vento", os responsábeis dunha instalación na que se combina a intervención na paisaxe (como se fora unha obra de Land Art) e a arte cinética. Eles son os encargados de que o movemento das botellas non cese. Así se nos presenta a curtametraxe do guardés Xurxo González que se poderá ver este domingo no programa da Galega Onda Curta. Un documental impagable que con medios moi escasos nos traslada con respecto e ollada singular a realidade máis cercana.

terça-feira, 24 de março de 2009

Un dos filmes gañadores do Filminho escollido para o Indielisboa 09

O documental París #1, de Oliver Laxe, gañador do Filminho 2008, acaba de ser seleccionado para o Indielisboa 09 na súa sección de “Cinema emerxente”. Este documentario acaba de ser premiado no Play-doc de Tui na edición do presente ano.

quarta-feira, 18 de março de 2009

A TVG fará un reportaxe aos ´señores do vento´

O vindeiro venres, día 20 de marzo, a TVG vai a facer un reportaxe sobre Os señores do vento, a famosa curtametraxe de Xurxo González. O reportaxe consistirá nunha entrevista na Cruzada ao realizador e aos protagonistas: Chacurro e José María. Este material será emitido antes da emisión do filme no programa Onda Curta que se emite na Galega o domingo pola noite.

quarta-feira, 11 de março de 2009

Mostra de Ficção Portuguesa no Verbum

Por onde anda o cinema luso actualmente?



A resposta a esta pergunta será dada nas seis sessões da Mostra de Ficção Portuguesa que terá lugar, nos dias 11, 18, 25 de Março e 1 e 8 de Abril, no Museu Verbum, em Vigo. A proposta de André Martins, coordenador desta Mostra e director do Filminho – Festa do Cinema Galego e Português, passa por não se concentrar num só estilo, mas sim em opções emergentes.
Na Mostra estão representados, por um lado, os autores internacionais protegidos pelos grandes festivais europeus, tais como Manoel de Oliveira e, por outro, autores com um prestígio crescente, como é o caso de Pedro Costa.
Outro autor português em destaque é Rodrigo Areias, que marcará a presença da produção independente e apresentará a sua longa-metragem, Tebas, já exibido em festivais como o Fantasporto.
Goodnight Irene é um filme de produção portuguesa que recolhe o olhar dum realizador não-português, Paolo Marinou Blanco. Estas intromissões resultaram já em obras tão tipicamente portuguesas como Lisbon Story, de Win Wenders, ou Pai e Filho, de Sokurov.
A primeira sessão ficará ainda reservada às curtas-metragens. Portugal exibirá trunfos muito fortes, por exemplo, com História Trágica com Final Feliz, o filme português mais premiado de sempre. “De resto, é também nas curtas, dentro do género da animação, que se marca o maior campo de homogeneidade entre Portugal e Galiza, devido à qualidade e representação internacional das obras de ambas as beiras do Minho”, afirma André Martins.
Este é o primeiro evento de uma série de iniciativas que o Filminho – Festa do Cinema Galego e Português irá promover até ao dia 23 de Julho, data que marca o início da edição de 2009 deste festival. Um dos objectivos desta organização é, pois, incentivar a exportação do cinema português e fortalecer a actividade do Filminho na Galiza.

MAIS INFORMAÇÕES:

Contactar:
Filipa Ribeiro
filipa.filminho@gmail.com
96 277 82 58 /91 093 49 84
Ou
info@filminho.com
Ou
Raquel Noriega
raquel.verbum@iservicesmail.com

domingo, 8 de março de 2009

Estrea mundial: ´Argazo´, de Xurxo González



A Morraceira-Asociación Cultural comprácee en ofrecer en exclusiva o rescate dunha obra audiovisual enteiramente miñota. As terras do Minho aínda poden ser o escenario de muitas outras producións que agardamos ver no vindeiro Filminho 2009.

´Argazo´, de Xurxo González, que ficou perdida antes de nacer. Neste documentario de creación repásase a vida das mulleres que se dedican a recoller as oucas e establécese un interesante xogo con ´Los hombres de Arán´ de Robert Flaherty.

segunda-feira, 2 de março de 2009

quarta-feira, 25 de fevereiro de 2009

A Guarda dá a benvida ao MASAT!

Que é o MASAT? Que significa esta nova palabra? Pois esta palabra ten que converterse no futuro próximo en extremadamente familiar para calquera guardés que se precie e, asemade, coñecida alén da Guarda, non só en Galicia senón tamén en calquera recuncho da xeografía española. O MASAT é o proceso de personalización do Museo Arqueolóxico do Monte Santa Trega. O día 24 de febreiro abriu as súas portas esta veterana institución que leva connosco moitos anos e que neste inverno sufriu algo máis que un lavado de cara senón a aplicación dun novo proxecto arqueolóxico chamado a marcar as directrices dos vindeiros anos non só da propia sede do museo senón todo o relativo ao Plan Director do Monte Santa Trega e da vida cultural da Guarda.

A verdade é que esta transformación produciuse non sen tempo. Tivo que darse a conxuntura adecuada para ver materializado unha idea que se botaba en falta desde fai anos. Por fin viuse o resultado da maridaxe entre o goberno local do Concello da Guarda, encabezado por Javier Crespo (Concelleiro de Patrimonio) e da Dirección Xeral de Patrimonio da Consellaría de Cultura e Deporte da Xunta de Galicia, baixo a sensibilidade de Felipe Arias.

A verdade é que o resultado das actuacións son altamente satisfactorias: singularización do nome, logo do museo, actuación no espazo do museo, deseño dun itinerario expositivo, grande traballo do deseño do espacio, eliminación da luz natural, boa iluminación artificial, depuración das pezas expositivas, aparición de audiovisuais… Un proxecto museístico moderno interesante do que, por fín, todos os veciños da Guarda poden sentirse orgullosos.

Mais todos estes elementos positivos non son quen de deixar de reflectir as carencias. Unha pena que o Plan Museístico do MASAT realizado pola empresa Trivium de Santiago de Compostela non fose máis incisiva en certos aspectos ou que se deixase aconsellar por estudiosos locais do Monte Santa Trega. Quizais o maior erro de todo é a falta de vontade divulgativa. Todo ficou nun espazo renovado grazas ao diseño mais que aínda necesitava outra “volta de rosca”.

Esta numeración de eivas hai que tomalas para que todas as institucións implicadas na salvaguarda do MASAT tomen medidas ao respecto nun futuro do que agardemos próximo. O máis grave dentro do punto de vista especializado son os erros cometidos na cronoloxía. Os distintos paneis informativos teñen datos errados, son confusos e empregan material escesivamente especializado para os visitantes neófitos. Hai certo material gráfico que se repite como os mapas, botando de menos algunha foto aérea ou de petrogligos. As mamparas centrais son mapas iluminados que conteñen pouca información e están demasiada altas para escolares, bótase de menos algunha maqueta. Ou mapas con algún tipo de interacción co visitantes. Os audiovisuales son demasiado austeros, a parte das imaxes necesitaba rótulos identificativos. E, o máis grave, quizais sexa a falta de presenza de microhistoria para comprender os modos de vida dos castrexos para que a cousa non ficase nunha acumulación de “pedras”.

A maiores tamén é necesario unha creación dunha comunidade de amigos do MASAT no que puideran estar tanto negocios hosteleiros como veciños da Guarda. Unha páxina web para ter presenza no espazo virtual. Unha maior difusión da marca ou imaxe coorporativa do museo. Creación de unidades didácticas para escolares. E o deseño e organización de visitas turísticas intentando relacionar o museo, co castro e a paisaxe.

Como vemos é moito o traballo que queda por facer, mais esta semana nada vai poder enturbiar a extraordinaria delicia que deben sentir todos os guardeses pola chegada do MASAT!

Xurxo González
Historiador da Arte

quinta-feira, 12 de fevereiro de 2009

III Certame de recolla da tradición oral galego-portuguesa organizado por Ponte...nas ondas!


A Asociación Cultural e Pedagóxica Ponte… nas ondas! en colaboración da Consellaría de Cultura e Deporte, a Secretaría Xeral de Política Lingüística, a Delegação Regional e Cultura do Norte de Portugal e a Direção Regional de Educação do Norte convocan a terceira edición do Certame de Recolla da Tradición Oral Galego-portuguesa. O prazo de entrega dos traballos rematará o 4 de xuño.

No interese de descubrirlle ás novas xeracións a existencia dun rico e variado Patrimonio Cultural Común preséntase unha nova edición deste certame. Unha convocatoria que ten a dupla finalidade; que este patrimonio forme parte da vida escolar e que o sistema educativo se involucre no rescate deste patrimonio.

O tema son os tesouros humanos vivos, persoas que posúen coñecementos, habilidades e técnicas necesarias para manter, divulgar e crear aspectos do patrimonio cultural inmaterial. Estes traballos poden ir encamiñados a recolla de tradicións e expresións orais, artes de espectáculo, usos sociais, coñecementos da natureza e técnicas artesanais.

Establécense cinco categorías: primaria-básica, secundaria, bacharelato, ensino profesional e universidade.. A recolla será en audio e video e terá que vir acompañada oportunamente coa ficha de inscrición.

Para máis información consultar as bases na seguinte ligazón:
http://www.pontenasondas.org/

sexta-feira, 6 de fevereiro de 2009

Onte presentouse á prensa a estrea de ´5 pezas´, curtametraxe-precuela de ´Setembro´


presentación de "5 pezas (setembro)" from lara bacelo on Vimeo.
O resultado deste esforzo sen cartos é unha curta gravada en alta definición que se estrea en pantalla grande o venres 6 de febreiro no Teatro Principal de Santiago. A gala, presentada polo actor Xosé Barato, comezará ás 21 horas e permitirá ver por vez primeira “5 pezas” que resumen o espírito de “Setembro”. Onte no Salón Verde do Concello de Santiago de Compostela tivo lugar o encontro cos medios do que podemos ver un estracto na rede.

quinta-feira, 5 de fevereiro de 2009

´Os señores do vento´, de Xurxo González, xiran imparábeis por toda Galiza


Tras o espectacular estrea internacional en Xenebra (Suíza), onde os galegos da diáspora pediron ata un segundo pase do filme, ´Os señores do vento´, a curtametraxe de Xurxo González, segue bulindo polas pantallas galegas en eventos cinematográficos de todo tipo. As seguintes paradas son no ´formación 09´ de Vedra e no ciclo de ´Inverno de cine´ de Ferrol.

A curtametraxe ´Os señores do vento´ está alcanzando unha traxectoria de exhibición máis que reseñable. Tras a súa tentativa internacional Chacurro e José María van a parar o sábado 14 de febreiro, ás 21h30, nas II xornadas de formación e mostra audiovisual formAción 09 do Concello de Vedra e o día 18 de febreiro, as 21h30, no cine Duplex de Ferrol, no ciclo de ´Inverno de cine´.

Eu por un vaso non vou se fora por unha botella....!!!!!

quarta-feira, 4 de fevereiro de 2009

Fórum de Criadores 2009


Cria à tua vontade!

Regulamento e Ficha de Inscrição

Galego | Português


Como fazer?

1

Lê atentamente o regulamento. Repara que os filmes devem ser produzidos no Minho ou, pelo menos, ter o Minho como tema.

2

Prepara o teu projecto. Preenche a Ficha de Inscrição e envia o material solicitado.

3

Aguarda até que o projecto seja seleccionado ou recebas uma resposta.

4

Vem ao Fórum de Criadores no Filminho 2009 e apresenta o teu projecto.

5

Se fores o vencedor, receberás um produtor para teres a tranquilidade que necessitas como criador, e receberás 2000 euros para arrancar o projecto. Faremos tudo para te dar as melhores condições.

6

Estreia o filme no Filminho 2010, onde conseguirás os contactos e a força para um novo projecto.



Regulamento para participar na 3ª Mostra de Teatro Amador do Minho


terça-feira, 3 de fevereiro de 2009

Estrea de curtametraxe e presentación da web para impulsar o proxecto da longametraxe ´Setembro´



Se na pasada gala dos Goya o cinema español facíase eco das dificultades destes tempos de crise o audiovisual galego tampouco pode ser indemne a esta dinámica. Mais ante as complicacións imponse tempos de inventiva e creatividade mais non só nos resultados senón tamén no complicado proceso de produción. Así, no vindeiro venres, 6 de febreiro, ás 21h00, no Teatro Principal de Santiago de Compostela, vai estrearse unha curtametraxe “5 pezas”, dirixida por J. M. Maneiro “Sepi”, que servirá para potenciar a realización da agardada longametraxe titulada “Setembro”.

A xornada do vindeiro venres pasará á historia como unha proposta orixinal e novedosa de promocionar e respaldar a realización dun produto audiovisual. En ningunha outra cinematografía do mundo deseñouse unha plataforma semellante para complementar e apoiar a materialización dun filme. Deste xeito o audiovisual galego por fin deixa de lado actitudes actitudes e procesos dependentes para encamiñarse cara propostas vangardistas e arriscadas onde os primeiros en crer nel e defendelo ante as inclemencias mercantís son os seus propios creadores.

“Setembro” é un proxecto cinematográfico dirixido por J. M. Bazarra que en fase de preprodución viuse sacudido polos tempos de crise. Apesares de que é un proxecto que atesoura apoio da administración e da crítica especializada sucumbiu ante a desconfianza que sacude ao sector bancario. Unha inestabilidade que lle restou facilitará a liquidez necesaria para que o proxecto chegara a bo porto.

Porén, a maior plusvalía deste proxecto é a extrema confianza por parte do equipo de técnico e artístico implicado no proxecto. Lonxe de desistir polo rumbo da economía mundial parte deste equipo de profesionais que aglutina “Setembro” teimou para que o proxecto non esmorecera e, así, con esta idea, planeouse unha serie de actividades que axudasen a unha nova inxección de inercia ao proxecto.

O vindeiro venres, 6 de febreiro, Santiago de Compostela vai a vivir unha xornada na que o inverno transformarase nun día de cálido “Setembro”. Desde o serán (18h00) organizarase unha serie de actividades que gravitarán arredor da estrea da curtametraxe “5 pezas” no Teatro Principal ás 21h00. Este filme servirá como precuela e bosquexo da longametraxe e do espírito de “Setembro”. Asemade tamén se presentará a web do filme no que se irán enchendo de contidos que permitirán aos internautas familiarizarse na amplo abano de personaxes que viven no filme. Por ende, toda esta xornada festiva completarase con happenings, petiscos, pasarrúas e concertos entorno ao local do Pedro Boteiro na rúa de San Pedro.

Estas convidado a pasar unha xornada de cinema!

info@setembro.es

quarta-feira, 28 de janeiro de 2009

Apresenta-se a 3ª Mosta de Teatro Amador do Minho


Será celebrada nas vilas da Guarda e Goiám nos dias 24,25 e 26 de Abril.

Fotos do Hortensia ao seu paso pola Guarda





Fai uns días pasou a tormenta extra-tropical Klaus. Os datos científicos (climatolóxicos) din que foi máis potente que o Hortensia, un furacán vido a menos que asolou Galiza fai máis de vintecinco anos.
Volmemos a vista atrás... Para min sempre terei no recordo as imaxes do Hortensia. O seu poder destructivo foi maior mais esta circunstancia, sobre todo, foi debido as deficiencias das infraestructuras de entón. Mais tamén pola mentalidade fervente dun adolescente que contemplou, ao lado do fotógrafo, a inmensidade e a agresividade dun fenómeno da natureza. O home comprendeu a súa insinificancia!
Mais nestas fotos hai sedimentos da memoria, da incerteza, dos ventos bestiais, das ondas de máis de 9 metros, da auga entrando por portas e fiestras das casas...
O Hortensia ficou na memoria o Klaus será un máis que engrosará listaxes máis que pasará sen pena nin gloria polo noroeste peninsular.

segunda-feira, 26 de janeiro de 2009

Estrea internacional d´Os señores do vento´ na Sociedade A Nosa Galiza de Xenebra en Suíza


O Chacurro e o José María están a piques de emprender unha xeira internacional que os levará a depositar a súa sabiduría eólica aos pes dos Alpes. Os días 30 e 31 de xaneiro e 1 de febreiro vai ter lugar un ciclo de curtametraxes documentais galegas. Este evento vai ter lugar na Sociedade A Nosa Galiza en Xenebra, Suíza. Un ciclo organizado por Manuel Álvarez e a Morraceira-Asociación Cultural en colaboiración coa Axencia Audiovisual Galega e onde ´Os señores do vento´, curtametraxe de Xurxo González, vai a ter un protagonismo especial.

Dentro desta produción de curtametraxes destaca, en sobre maneira, os documentais. Unha forma fílmica flexíbel na que se pode dar liberdade a súa manipulación. Este ciclo está organizado en tres sesións no que se agrupan distintos filmes segundo o grado de acuse de extrañeza das miradas.

Tras a conferencia e a presentación d´Os señores do vento”, de Xurxo González, asistirase a unha primeira sesión no que serán protagonistas as “Paseos”; o sorprendente falso-documental de “Cousas do Kulechov”, de Susana Rey, e a polífonías por Galicia en “Paris # 1”, de Oliver Laxe.

Nos “Documentais de creación”, nos que se alteran vertos códigos de narración, atopámonos un poema á pedra en “Longo sendeiro de pedra” de Pablo Millán, coa incursión na Memoria histórica d´A guerra dos avós”, de Oscar Galansky, a desmitificación realizada por Lara Bacelo do showman galego “John Ballan, detrás da porta” e a procura do cineasta amadorista Jóse Enrique Diaz Noriega en “JEDN”, de Marcos Nine.

E, por último, a sesión destinada aos documentais de “difusión cultural” debido ao interese dos seus contidos, saberemos do Couto Mixto pola “República dos soños”, de Isabel Martínez, asistiremos a escenificación de mariñeiros en Laxe durante a celebración da Virxe do Carmo en “Naufraxio” de Daniel López, coñeceremos ao Chino Antonio en “Mundo Bazar”, de Sabela Pernas, e, por último visitaremos o mundo dos curros en “Ferro ardendo”, de Jorge Saavedra.

VENRES, 30 DE XANEIRO
19h00 Presentación do ciclo
19h10 Charla: “O audiovisual galego: problemáticas, anécdotas e estados de ánimo”. Xurxo González
19h40 Os señores do vento, (2008), de Xurxo González (12´)

20h30 Sesión I (Paseos) (56´)
Cousas do Kulechov (2006), de Susana Rey, (21´)
París # 1 (2008), de Oliver Laxe, (35´)

SÁBADO, 31 DE XANEIRO
20h30 Sesión II (Documentais de creación) (73´)
Longo sendeiro de pedra (2006), de Pablo Millán (17´)
A guerra dos avós (2007), de Oscar Galansky (25´)
John Ballan, detrás da porta (2008), de Lara Bacelo (15´)
JEDN (2006), de Marcos Nine (16´)

DOMINGO, 1 DE FEBREIRO (71´)
17h30 Sesión III (Documentais de difusión cultural) (64´)
A república dos soños (2007), Isabel Martínez (17´)
Naufraxio (2008), Daniel López (18´)
Mundo bazar (2006), Sabela Pernas (12´)
Ferro ardendo (2008), Jorge Saavedra (18´)

quarta-feira, 21 de janeiro de 2009

Apuntando ao Filminho 2009!





Aí van imaxes para o 2009!

segunda-feira, 19 de janeiro de 2009

Aniversário da Morraceira

Senhores e Senhoras, a associação que dá pelo nome de Morraceira fez no passado dia 17 um ano de existência, ou melhor, fez um ano contado desde o seu primeiro baptismo legal, que outros depois houve, e nisto de legalidades nunca se cansam os Estados de nos baptizar, sejamos pessoas colectivas ou individuais.

Um ano em idade associativa é já cousa que se veja. Como ilha fluvial que é dir-se-ia que já é pelo menos um banco de areia a despontar no Minho. Não é suficiente para construir a sede, mas lá chegaremos! Pelas dificuldades que atravessou e pelas que ultrapassou, é já bem menos virgem do que era no início, e pelas experimentações em que anda metida, não tardará a ser desflorada. Pois que seja em época de lampreia, para que se arme jantarada!

E assim andam as coisas e os ciclos da vida nelas metidos. Calha às vezes ser para fazer festivais de cinema, outras apenas para aprender a escrever em tábuas de queijo, mas qualquer que seja a investidura sempre a Morraceira lhe saberá dar o melhor caminho.

Bem haja!


quinta-feira, 15 de janeiro de 2009

O clásico miñoto ´A romería da morte´, de Alberto Estévez Piña, en Flocos.tv


O pasado xullo no Filminho viu a luz a película ´A romería da morte´, do cineasta de Tui, Alberto Estévez Piña. Facía tempo que ficaba esquencida mais a película pasou polo programa de Memoria do Século XX da Consellaría de Cultura e Deporte e agora temos unha versión dixitalizada. Un patrimonio do que xa poden disfrutar todos os Galegos.
Apesares dos problemas de son Flocos.tv decidiuse a rescatar e por en coñecemento público esta peza fundamental na Historia do Cinema galego. Un filme que transcende a súa materialidade é posúe significados alén da súa contrucción fílmica.
No Filminho houbo unha presentación do Historiador do Cinema Julio Pérez Perucha, Presendente da Asociación Española de Historiadores del Cine, e nela relatou as distintas peculiaridades que agochaba a cinta. Situou o filme e á película no seu difícil contexto tanto político como artístico. Contou as peculiaridades da súa difícil concreción e tamén foi cronista do efecto causado nas súas distintas proxeccións en festivais.
N´A romería da morte´ atopamos un deses proxectos cinematográficos no que se enxerga das distintas peculiaridades locais para tratalas e albiscar conceptos cheos de significación. Mois poucas veces o audiovisual galego foi capaz de aprisionar con sentido o espíritu dun pobo e o dun tempo.
Grazas o labor de rescate de Flocos.tv todos os galegos poden disfrutar dunha das xoias do seu patrimonio audiovisual.
Toda Galicia está de parabéns!

quarta-feira, 14 de janeiro de 2009

Estrea d´O cazador´, de Ángel Santos, en Pontevedra


O vindeiro xoves, 15 de xaneiro, vai ter lugar, ás 21h00, no Teatro Principal de Pontevedra, a estrea da curtametraxe ´O cazador´, de Ángel Santos e producida por Matriuska Producións. Este proxecto recibiu unha axuda da Consellaría de Cultura e Deporte.

´O cazador´ foi un dos proxectos máis sorprendentes presentados ás axudas a curtametraxes realizados por creadores individuais da consellaría de Cultura e Deporte. Esta singularidade se debe sobre todo polo risco da proposta totalmente ao marxe do que se fai en Galicia. Un filme con grande excelencia fílmica porque afónda na médula da propia representación artística.

A pesar deste acopio artístico non foi quen de facerse un oco nin entre os festivais nin entre o público, máis que nada porque ao non estar nos primeiros impidiulle o aceso ao segundo. A pesar disto este filme tivo algún que outro recoñecemento; foi a gañadora absoluta do Filminho e tivo unha excelente acollida crítica.

Este filme é un salto de madurez sin precedentes na historia do audiovisual galego, unha senda por explorar que pode repercutir con novos éxitos. Ángel Santos convértese así nun dos valores máis destacados do audiovisual galego e xa está embarcado no seu próximo proxecto: a longametraxe que leva por título ´Dous fragmentos/Eva´.

quarta-feira, 7 de janeiro de 2009

Os filmes premiados no Filminho 2008 atópanse dentro das mellores curtametraxes españolas do ano segundo Cahiers du Cinema-España


No número de xaneiro da revista Cahiers du Cinema-España acaba de facer unha escolma das mellores curtametraxes españolas. Entre os filmes reseñados están os dous filmes que resultaron gañadores no Filminho, na Festa do Audiovisual Galego e Portugués, concretamente “O cazador”, de Angel Santos e “París # 1”, de Oliver Laxe. O artigo “Diagnóstico del cortometraje español” esta asinado polos críticos de cinema Carlos Reviriego, Gonzalo de Pedro e Jara Yáñez.

O ano 2008 no audiovisual galego houbo unha especial converxencia no Filminho, na Festa do Audiovisual Galego e Portugués celebrado conxuntamente entre Vila Nova de Cerveira e Goián. A edición do 2008 rachou coas suposicións e estigmas sobre as cinematografías do occidente peninsular. Un encontro no que se viu o despuntar de dous cineastas chamados a servir de refente no futuro próximo do audiovisual galego: Ángel Santos e Oliver Laxe.

Segundo o nº 19 da revista Cahiers du Cinema-España (pp. 66-68) “O cazador de Angel Santos, se abre en canal y pode al descubierto el entramado de una adaptación a la pantalla del relato homónimo de Chéjov, desde su lectura a su representación, en un sobrio ejercicio de invención creativa que bajo su aparente sencillez oculta varias capas de lectura. Así, esta pequeña joya atrapa las fases de transformación de una historia desde que es papel hasta que es imagen”.

Mentres da de Laxe se di: “”El empeño del documental en desintegrarse e impregnar (o impregnarse de) otras formas cinematográficas, lo hacen evidente trabajos más extremos, como Paris # 1, de Oliver Laxe, que recurre al rodaje en 16 mm como camino para una particular arqueología experimental sobre el tiempo y el paisaje gallego amenazado por la escura sombra del fuego devastador”.

O Filminho viu conseguido os obxectivos da súa primeira edición, por un lado servir de encontro entre o audiovisual galego e portugués e, por outro, dar a coñecer novos talentos do audiovisual e obras arriscadas artisticamente afastadas dos convencionalismos e concesións. O segundo punto da súa proposta viuse totalmente avalado e ratificado con esta consideración crítica.

A organización do Filminho tamén quere amosar a súa decepción ante o escaso apoio que recibiron estas obras e os seus autores de outros eventos cinematográficos, medios, institucións e público galego en xeral ao non facerse eco das excelencias destas producións que puxeron a Galiza na vangarda do estado español.

Segundo o seu programador galego do festival, Xurxo González: “As obras de Santos e Laxe son os piares de talento máis representativos da historia do cinema galego. Estes directores, como algún outro (Peque Varela, Alberte Pagán, Lara Bacelo), teñen que atopar urxentemente un oco dentro do audiovisual galego, porque nas máns desta xente ao audiovisual galego vaille a vida”.

Este próximo venres ´Os señores do vento´ no CGAI

Este vindeiro venres, día 9 de xaneiro, no CGAI (Durán Loriga, 10), vai ter lugar a proxección da curtametraxe documental ´Os señores do vento´. O seu indigno realizador, Xurxo González, fará unha pequena presentación da mesma e logo poderá ser acribillado a preguntas.
Co visionado d´Os señores do vento´, os habitantes da cidade herculina poderán ser partícipes sobre as teorías da enerxía eólica que protagonizan Chacurro e José María.
Que Touriño e Quintana tomen nota para o Plan Eólico!!!!